Personal tools

Genetics in everyday life Tamil version (அன்றாட வாழ்வில் மரபியல்)

அன்றாட வாழ்வில் மரபியல்

பகுதி 1:மரபியல் என்றால் என்ன?

நீங்கள் உங்கள் பெற்றோரை போல ஏன், மற்றும் ஏன் உங்கள் முடி, பொன்னிற, பழுப்பு அல்லது கருப்பு நிறத்தில் இருக்கின்றது என்று யோசித்திருக்கீர்களா?
கைரேகையை  பயன்படுத்தி குற்றவாளிகளை எப்படி பிடிப்பது என்று தெரியுமா?
மரபியலின் மூலம் இக்கேள்விகளுக்கு பதில்லளிக்கலாம்.
மரபியல் என்பது :
மரபணுக்களைப்பற்றிய படிப்பு
மரபியல் என்பது எப்படி மற்றும் ஏன் கண் நிறம் போன்ற இயற்பியல் பண்புகள் ஒரு தலைமுறையில் இருந்து அடுத்த தலைமுறையை அடைகின்றது என்பதை பற்றியது  
நோய்கள் மற்றும் மருத்துவ நிலைகள் குடும்பங்களில் எப்படி நிலைத்திருக்கலாம் என்பதை பற்றியது
டிஎன்ஏ, கைரேகை மற்றும் விவரக்குறிப்புக்கு பயன்படுத்தும் முறைகள் போன்ற மரபணு தகவல் வடிவங்களை ஆய்வு செய்வது
விலங்குகள், தாவரங்கள் அல்லது மனிதர்களுக்குள்ளே மற்றும் இடையே ஏற்படும் மாறுபாடுகளை பற்றியது
இக்குறும்படம் உங்களை அடிப்படை மரபியல் மற்றும் அன்றாட வாழ்க்கையில் மரபியலின் பொருத்தத்தை புரிந்து கொள்ள உதவும்.

 

பகுதி 2: அன்றாட வாழ்வில் மரபியல்


மரபியல் நாம் எல்லோரையும் பல வழிகளில் பாதிக்கின்றது. இக்குறும்படத்தின் மூலம் மரபியலின் ஒரு சில பயன்பாட்டுகளை பார்ப்போம்.
மரபியல் மக்கள் ஏன் அவர்கள் தோன்றும்வாறு தோன்றுகின்றனர், ஏன் சிலர் குறிப்பிட்ட நோய்களை மற்றவர்களை விட எளிதாக பெறுகின்றனர் என்பதை புரிந்து கொள்ள உதவும்.
மரபியல் சுகாதார பராமரிப்பு தொழில்முறை வல்லுநர்களுக்கு பெற்றோர் ரீதியான சோதனை போன்ற நுட்பங்களை பயன்படுத்தி குழந்தைகள் பிறக்கும் முன் குறிப்பிட்ட வியாதிகளை கண்டறிய உதவும்.
மரபணு  தொழில்நுட்பம் மேலும் சில நோய்களுக்கு இலக்கு மருந்துகளை உருவாக்க உதவுகின்றது.
சுகதார பராமரிப்பிற்கு மட்டுமின்றி மரபியலுக்கு பல்வேறு  பயன்பாடுகள் உள்ளன. உதாரணதிற்கு, போலீசார் குற்றவாளிகளை பிடிக்க மரபியல் கைரேகையை  பயன்படுத்தலாம்.
மரபணு கைரேகையை 1984  ஆம் ஆண்டு, லெஸ்டர் பல்கலைகழகத்தில் சர் அலெக் ஜெப்ப்ரி கண்டுபிடித்து உருவாக்கினார். இம்முறையின் மூலம்  ஒவ்வருவரின் மரபணு தகவலின் அடிப்படையை கொண்டு  தனிப்பட்ட அடையாளத்தை பெறமுடியும்.
குற்றவாளிகள் பெரும்பாலும் ஒரு குற்றம் நடந்த இடத்தில் தங்கள் அடையாள சான்றுகளை விட்டுவிடுவார்கள்: உதாரணமாக, முடி, இரத்தம் அல்லது தோல் செல்கள். போலீஸ், ஒரு தனி நபர் குற்றம் நடந்த இடத்தில் இருந்தாரா இல்லையா என்பதை நிரூபிக்க மரபணு தகவல்களை பயன்படுத்த முடியும்.
மரபணு தகவல்கள் அப்பாவி தனத்தை நிரூபிக்கவும், குற்றவாளிகளை கண்டுபிடித்து குற்றம் சாட்டவும் உதவுகின்றன.

 

பகுதி 3:  முக்கிய கருத்துகள்  


மரபியலைப் பற்றி புரிந்துக் கொள்ள, செல்கள், நிறமூர்த்தங்கள் (குரோமோசோம்கள்) மற்றும் டிஎன்ஏ பற்றி அறிவது மிகவும் முக்கியம்.
அனைத்து உயிரினங்களும் உயிரணுக்களினால்(செல்கள்) ஆக்கப்பட்டவை. ஒரு செல் வாழ்வின் அடிப்படை கட்டுமான தொகுதி ஆகும்.
ஒரு மனித உடலில் பல்லாயிரக்கோடிக்கணக்கான செல்கள் உள்ளன.நுண்நோக்கிகளை பயன்படுத்தினால் மட்டுமே செல்களை நாம் காண முடியும்.

செல்களின் வகைகள் பல உண்டு; அவை ஓவ்வொன்றுக்கும் தனிப்பட்ட கடமைகள் உள்ளன.  உதாரணமாக, மனித உடலில், தசை செல்கள், இரத்த
அணுக்கள் மற்றும் தோல் செல்கள் உள்ளன.           
கணினி அனிமேஷனின் மூலம் ஒரு மனிதனின் செல்லினுள் உள்ள தோற்றத்தை காணலாம்.
செல்லின் கரு மிகவும் முக்கியமான ஒரு அங்கமாகும். இது கட்டுப்பாட்டு மையமாகவும், குரோமோசோம்களிள் உள்ள  மரபணு தகவல்களின் இருப்பிடமாகவும் விளங்குகிறது.
குரோமோசோம்கள் உங்களைப் பற்றிய தகவல்களை கொண்டிருக்கும். உதாரணமாக, உங்கள் தலை முடி சுருளையா இல்லையா, உங்களின் இதயம்
எப்படி செயல்படுகின்றது, உங்களின் கை பழக்கங்கள்  முதலானவை. 
குரோமோசோம்கள் உங்கள் மரபணு தகவல்களை, நேர்த்தியாகவும் ஒழுங்காகவும் கச்சிதமாகவும் வைக்க உதவும்.
குரோமோசோம்கள் டிஆக்சிரிபா நியூக்ளியிக் அமிலம் (டிஎன்ஏ) என்று அழைக்கப்படும் இரசாயன நீண்ட போக்குகளால்  ஆக்கப்பட்டவை.
டிஎன்ஏ அடினைன், தைமீன், சைடோசீன் மற்றும் குவானின் என்று நான்கு கட்டிட தொகுதிகளை  கொண்டுள்ளது. இவை பெரும்பாலும் தங்கள் ஆரம்ப எழுத்துக்களான  - ஏ, டி, சி மற்றும் ஜி யினால் குறிப்பிடப்படுகின்றன - டிஎன்ஏ உங்கள் தனிப்பட்ட மரபணு குறியீடுகளை நீண்ட வரிசைகளில் உருவாக்கி குறிக்கும்.
டிஎன்ஏ ஒரு முறுக்கப்பட்ட ஏணி போன்ற, ஒன்றோடு ஒன்று சுற்றி இருக்கும்
இரண்டு நாடா போன்ற உட்கூறுகளை கொண்டுள்ளது. இந்த அமைப்பு ஒரு இரட்டை  ஹீலிக்ஸ் என்று அழைக்கப்படுகிறது.
டிஎன்ஏ மரபியல் தகவல்களின் பகுதியாக மரபணுக்கள் எனப்படும் ஆயிரக்கணக்கான குறிப்பிட்ட குறியீட்டு வழிமுறைகளால் ஆக்கப்பட்டவை. இம்மரபணுக்களே  உங்களது தோற்றத்திற்கு தேவையான அனைத்து தகவல்களையும் கொண்டிருக்கும்.

 

பகுதி 4: பரம்பரை


பண்புகள் தலைமுறையில் இருந்து அடுத்த தலைமுறைக்கு எப்படி
கடத்தப்படுகின்றது என்பதை அறிய, அடிப்படை பரம்பரை விவரங்களை  பற்றி அறிவது மிகவும் முக்கியம்.
முதலாவதாக நாம் குரோமோசோம்களில் கவனம் செலுத்துவோம்.
உங்கள் உடலின் ஒவ்வொரு செல்லிலும் 23 ஜோடி வடிவில் 46 குரோமோசோம்கள் உள்ளன. ஒவ்வொரு குரோமோசோம்  ஜோடியிலும் உங்கள் தந்தையிடம் இருந்து பெறப்பட்ட ஒரு குரோமோசோமும்,  உங்கள் தாயிடம் இருந்து பெறப்பட்ட ஒரு குரோமோசோமும் உள்ளன. இதனாலே, நீங்கள்  உங்கள் பெற்றோர்கள் இருவரையும்  போல இருக்கலாம்.
கருத்தரித்தல் நிகழும் போது, தந்தையிடம் இருந்து 23
குரோமோசோம்களும்  தாயிடம் இருந்து 23 குரோமோசோம்களும் ஒன்று சேரும்.
23 ஆம் ஜோடியை தவிர மற்ற அணைத்து குரோமோசோம் ஜோடிகளும் பார்பதற்கு அசலாக இருக்கும். செக்ஸ் குரோமோசோம்கள் என்று இந்த கடைசி ஜோடியை அழைப்பார்கள் ஏனென்றால், அவை ஒருவரின் பாலினத்தை நிரூபிப்பனர்.
X குரோமோசோம் மற்றும் Y குரோமோசோம் என்று இரண்டு செக்ஸ் குரோமோசோம்கள் உள்ளன.
பெண்களிடம் இரண்டு X  குரோமோசோம்களின் பிரதிகள் இருக்கும்
ஆண்களிடம் ஒரு X குரோமோசோமின் பிரதியும்,ஒரு Y குரோமோசோமின் பிரதியும் இருக்கும்.
ஒரு தாயிடமிருந்து அவளது X குரோமோசோம்களில் ஒன்று தனது
குழந்தைக்கு செல்லும். தந்தையிடமிருந்து, X அல்லது Y குரோமோசோம்
செல்லும்.
தந்தையிடமிருந்து Y குரோமோசோம் குழந்தைக்குச் சென்றால், அது ஆண் குழந்தையாய் பிறக்கும். X குரோமோசோம் சென்றால், அது பெண் குழந்தையாய் பிறக்கும். 
இந்த சீரற்ற செயல்பாட்டில், குழந்தையின் பாலினத்தை தீர்மானிப்பது தந்தையின் X அல்லது Y குரோமோசோம்களே.
நமது பண்புகள் நமது மரபணுக்களின் அமைப்பினால் ஆக்கப்பட்டவை. அவை ஒரு அல்லது பல மரபணுக்களினால் கட்டுப்படுத்தப்படலாம். பல பண்புகள் மரபணுக்கள் மற்றும் உணவு, உடற்பயிற்சி போன்ற சுற்றுச்சூழல் காரணிகளின் கலவையின் முடிவாக இருக்கின்றன.

 

பகுதி 5 : மரபுவழி வடிவங்கள் 


பண்புகள் ஒரு தலைமுறையில் இருந்து அடுத்த தலைமுறைக்குச் செல்வது மூன்று முக்கிய வடிவங்களில் உள்ளன:
-அரியவகை மரபுவழி பண்பு
-மேலாதிக்க மரபுவழி பண்பு
- X-இணைக்கப்பட்ட மரபுவழி பண்பு
நாம் அனைவரிடமும்  ஒவ்வொரு மரபணுவிற்கும்  இரு பிரதிகள் 
இருக்கும்; ஒரு பிரதி நமது தாயிடமிருந்து இருந்து பெறப்பட்டது,
மற்றொன்று நமது தந்தையிடமிருந்து பெறப்பட்டது. இந்த விதியின்
விதிவிலக்கு பாலியல் குரோமோசோம்களின் மரபணுக்கள் மட்டுமே ஆகும்.
இப்பகுதியில், நாம் ஒரு குரோமோசோமை இவ்வாறும், மரபணுவை ஒரு வண்ண புள்ளியாகவும்  காண்போம்:

image 1 for translation page



ஒவ்வொரு மரபணுவின் இரு பிரதிகள் அல்லது மாறுபாடுகள்-
அசலாகவோ அல்லது சிறிது மாற்றத்துடன் காணப்படலாம்.
அரியவகை மரபுவழி பண்பில், ஒரு குறிப்பிட்ட பண்பை மேம்படுத்துவதற்கு, உங்களிடம் ஒரு குறிப்பிட்ட மாறுபாட்டு மரபணுவின் இரு பிரதிகள் இருக்க வேண்டும்.
உதாரணமாக, ஆல்பினிசம் அரியவகை மரபுவழி பண்பில் ஒன்று. அது மனிதர்களை மட்டுமின்றி பல்வேறு விலங்குகளையும் பாதிக்கின்றது.
இந்த நிலையில், கருநிறம்வழங்கி (மெலனின்) என்ற நிறமியின் உற்பத்தி அளவு குறைகின்றது. இதை கொண்ட நபர்களில், மெலனின் உற்பத்தியில் ஈடுபட்டுள்ள மரபணுவின் இரு பிரதிகளும் சரியாக செயல்படுவதில்லை.
இந்த அனிமேஷனின் மூலம்,  அரியவகை மரபுவழி பண்பு எப்படி இயங்குகிறது என்று பார்போம். இதில், இரு பெற்றோரிடமும் ஒரே செயலற்ற மரபணு இருக்கின்றது- நீல புள்ளியால் இங்கு குறிபிடப்பட்டுள்ளது.
எனினும், அவர்களிடம் ஒரு செயலற்ற மரபணு மட்டுமே இருப்பதாலும் மற்றொரு மரபணு சரியாக இயங்குவதினாலும், அவர்கள் அவ்வியாதியினால் பாதிக்கப்படுவதில்லை. அவர்கள் அவ்வியாதியை ‘ஊர்தி செய்பவர்கள்’ என்று கூறலாம்.  
இப்பெற்றோர்கள் தங்கள் குழந்தைகளிடம் அவர்களின் செயலற்ற மரபணுக்களை பரிமாறும்பொழுது, என்னவாகும்?
இருவரும் அவர்களது செயல்படும் மரபணுக்களை குழந்தைக்கு
பரிமாற்றலாம். இந்நிலையில், அக்குழந்தையிடம்  இரு செயல்படும் பிரதிகள் இருக்கும். எனவே, அது எந்த பாதிப்பிற்கும் ஆளாகாது.
பெற்றோர்கள் இருவரும் அவர்களது செயலற்ற மரபணுக்களை குழந்தையிடம் பரிமாற்றினால், ஆக்குழந்தைக்கு ஆல்பிநிசம் வரக்கூடும்.
ஒரு பெற்றோர் தனது செயல்படும் மரபணுவையும் மற்றொரு பெற்றோர் தனது செயலற்ற மரபணுவையும் தங்களது குழந்தைக்கு பரிமாற்றினால், அக்குழந்தை பாதிக்கபடாது, ஆனால், அது அவ்வியாதியை ஊர்தி செய்யும்... பெற்றோர்களை போலவே.
இந்த நான்கு சேர்க்கைகளும் ஒவ்வொரு கர்ப்பத்தின் பொழுதும் ஏற்படுவதற்கு சமமான வாய்ப்புகள் உள்ளது.
அரியவகை மரபுவழி பண்பின்  மற்ற உதாரணங்கள் இணைக்கப்பட்ட காதுசோனைகள், தலசீமியா மற்றும் சிஸ்டிக் ஃபைப்ரோஸிஸ்.
மேலாதிக்க மரபுவழி பண்பில், நாம் ஒரு பண்பை மேம்படுத்த, ஒரு பிரதி செயலற்றதாக இருந்தால் போதும்- மற்ற பிரதியை பொருட்படுத்தாமல்.
மேலாதிக்க பண்புகளின் எடுத்துகாட்டுகள்: பழுப்பு நிற கண்கள், கருப்பு நிறக் கூந்தல், ஹண்டிங்டன் நோய் மற்றும் பரம்பரை பரம்பரையாக வரும் மார்பக புற்றுநோய்.
மார்ஃபேன் சிண்ட்ரோம் ஒரு மேலாதிக்க மரபுவழி பண்பு முறையை   பின்வரும் ஒரு மருத்துவ நிலையாகும். இதனால் பாதிக்கப்பட்டவர்கள், பொதுவாக சராசரியை காட்டிலும் உயரமாக இருப்பதோடு, அவர்களது இதயங்கள், எலும்புகள் மற்றும் கண்ங்களில் பிரச்சினைகள் உருவாகலாம்.
இந்த அனிமேஷனின் மூலம் மேலாதிக்க மரபுவழி பண்பு எப்படி இயங்குகிறது என்று பார்ப்போம். இதில் தந்தைக்கு மட்டும் மார்ஃபேன் சிண்ட்ரோம் உள்ளது.
தந்தை தனது செயல்படாத மரபணுவை பரிமாற்றினால், குழந்தைக்கு பாதிப்பு ஏற்படும். ஆனால், இரு பெற்றோர்களும் தங்களது செயல்படும் மரபணுவை பரிமாற்றினால், குழந்தைக்கு எந்த பாதிப்பும் ஏற்படாது.
ஆகவே, சராசரியாக பிறக்கும் குழந்தைகளில் பாதி குழந்தைகளுக்கு
இந்த சின்றோம் பெற்றோர்களிடமிருந்து வரும்.  

image 2 for translation page




இந்த நான்கு சேர்க்கைகளும் ஒவ்வொரு கர்ப்பத்தின் பொழுதும் ஏற்படுவதற்கு சமமான வாய்ப்புகள் உள்ளது.
X-இணைக்கப்பட்ட மரபுவழி பண்பு X குரோமோசோமினுள்ள  மரபணுக்களுடன் (பாலியல் குரோமோசோம்களில் ஒன்று) தொடர்புடையது.
உதாரணமாக ஹீமோஃபீலியா. இதைக்கொண்ட நபரின் இரத்தம் சரியாக உறைவதில்லை.
இந்த அனிமேஷனின் மூலம் X-இணைக்கப்பட்ட அரியவகை மரபுவழி பண்பு எப்படி இயங்குகிறது என்று பார்ப்போம். இதில், தாயிடம் ஒரு செயல்படும் மரபணுவும், ஒரு செயலற்ற மரபணுவும் உள்ளது. அவள் ஹீமோஃபீலியாவினால் பாதிக்கப்படவில்லை ஆனால், அவ்வியாதியை ஊர்தி செய்கிறாள். தந்தைக்கு எந்த பாதிப்பும் இல்லை ஏனென்றால் அவரிடம் ஒரு செயல்படும் மரபணு உள்ளது. 
இப்பெற்றோர்கள் தங்கள் குழந்தைகளிடம் அவர்களின் செயலற்ற மரபணுக்களை பரிமாற்றும்பொழுது, என்னவாகும்?
தாய் தனது செயல்படும் மரபணுவை பரிமாற்றினால், அவளுக்கு  பிறக்கும் மகனோ மகளோ பாதிக்கப்படமாட்டார்கள்.
அல்லது, தாய் தனது செயலற்ற மரபணுவை பரிமாற்றினால், அவளுக்கு பிறக்கும் குழந்தை பாதிக்கப்பட்ட மகனாகவோ, ஹீமோஃபீலியாவை ஊர்தி செய்யும் மகளாகவோ இருக்கும்.  

image 3 for translation page




ஹீமோஃபீலியாவின்  X-இணைக்கப்பட்ட மரபுவழி பண்பின் பிரபலமான உதாரணம் விக்டோரியா மகாராணியின் விஸ்தரிக்கபபட்ட குடும்பம். அவர் அவ்வியாதியை ஊர்தி செய்ததினால், அவரது குழந்தைகள் மற்றும் பேரக்குழந்தைகளில் பலர் பாதிக்கப்பட்டுள்ளனர்.

X-இணைக்கப்பட்ட வியாதிகளின் மற்ற உதாரணங்கள்: சிவப்பு-பச்சை நிறப்பார்வையின்மை மற்றும் X- சின்றோம். 

 

பகுதி 6: மரபியக்குறைபாடுகள் 


பல மரபியக்குறைபாடுகள் உள்ளன. அவை உடலின் எல்லா உறுப்புகளையும் பாதிக்கலாம். மிகவும் பொதுவான மரபியக்குறைபாடுகளைப் பற்றி காணலாம்.
தலசீமியா இரத்தத்தை பாதிக்கும் அரியவகை மரபுவழி பண்புகளில் ஒன்று. இந்நோயைக் கொண்ட நபர்கள் போதுமான இரத்த சிவப்பணுக்களை உற்பத்தி செய்வதில்லை. ஆகவே அவர்கள் உடலைச்சுற்றி ஆக்சிஜென் அடைவது கடினமாகும்.
தலசீமியா எந்த இனக்குழுவினரையும்  பாதிக்கும், ஆனால் இத்தாலி, மால்டா போன்ற மெடிட்டெரேனியன் நாடுகளிலும், இந்தியா, பாகிஸ்தான், மத்தியக்- கிழக்கு மற்றும் தென்- கிழக்கு ஆசியா போன்ற நாடுகளிலும் குறிப்பாக பொதுவானது.
மரபியல் நம்மை தலசீமியா எப்படி குடும்பங்களில் கடத்தப்படுகின்றது என்பதை புரிந்துக் கொள்ள உதவுகின்றது. இரத்த பரிசோதனைகள் மற்றும் மரபணு ஆய்வுகளின் மூலம், ஒரு நபருக்கு ஒரு குறிப்பிட்ட நோய் இருக்கிறதா என்றும், அவர் அந்த நோயை ஊர்தி செய்கிறாரா என்பதையும் தீர்மானிக்க உதவும். வியாதியின் காரணங்களை நாம் எந்த அளவிற்கு புரிந்துக் கொள்கிறோமோ, அந்த அளவிற்கு எதிர்காலத்தில் மரபணு சார்ந்த சிகிச்சைகளின் சாத்தியத்தை அதிகரிக்க முடியும்.
சிஸ்டிக் ஃபைப்ரோஸிஸ் (சிறுநீர்ப்பை நார்ப்பெருக்கம்) வெள்ளை ஐரோப்பியர்களில் மிகவும் பொதுவான மரபணு நிலை ஆகும்.
இது சளி, எச்சில் மற்றும் செரிமான திரவங்களை உருவாக்கும் செல்களை பாதிக்கின்றது. இந்த சுரத்தல்கள்  பொதுவாக மெல்லியதாகவும் வழுவழுப்பாகவும் இருக்கும். ஆனால் சிஸ்டிக் ஃபைப்ரோஸிஸ் இருந்தால், அவை தடினமாகவும், பிசுபிசுப்பாகவும் இருக்கும். இது நுரையீரல், செரிமான அமைப்பு போன்ற முக்கியமான உறுப்புகள் இயங்குவதை மிகவும் கடினமாக்குகிறது. எனவே சுவாசிப்பதும் கடினமாகுகின்றது.
பெற்றோர்கள் தங்களது குடும்ப வரலாற்றில்  உள்ள ஒரு வியாதியை அவர்களின் குழந்தைக்கு பரிமாற்றும் அபாயத்தை புரிந்துக்கொள்ள நவீன மரபியல் உதவுகின்றது. குழந்தை பிறக்கும் முன் அதன் உடற்கோளாறுகளைச் சோதனைச் செய்து, கண்டறியவும் உதவுகின்றது.

 

பகுதி 7: மருத்துவ மரபியல் சேவைகள்


மரபியல் அணியிடமிருந்து ஆலோசனை பெற விரும்புநீர்கள் என்றால், உங்கள் ஜி.பி. அல்லது மருத்துவ ஆலோசகரிடம் உங்கள் உள்ளூர் மரபணு சேவைக்குச் செல்வதைப் பற்றி கேளுங்கள்.
ஒரு மருத்துவமனையின் அடிப்படையில் இந்த சேவை, பாதிக்கப்பட்டவர்களுக்கு, அல்லது ஒரு மரபியல் நிலை ஏற்படும்
ஆபத்தில் உள்ளவர்களுக்கு உதவ முயற்சிக்கிறது. இவ்வணியால் தேவையான தகவல்கள், ஆதரவு மற்றும் தேவைபட்டால் பொருத்தமான விசாரணைகளையும் முன்னெடுக்க முடியும்.

ஆலோசனை எப்போது பெறலாம்?
•    குடும்பத்தில் ஒரு மரபியல் குறைபாட்டு நிலை இருந்தால்
•    ஒரு பலமான குடும்ப புற்றுநோய் வரலாறு இருந்தால்
•    மரபியலின் காரணமாக, ஒரு குழந்தையின் வளர்ச்சியில் தாமதம்       ஏற்பட்டால்.

 

பகுதி 8: மேலும் தகவலுக்கு   


இந்தச் சுருக்கமான கட்டுரையை நீங்கள் அறிவுறுத்தலாகவும், சுவாரஸ்யமாகவும் இருந்தது எனக் கருதுநீர்கள் என்று நம்புகிறோம். இது நாம் எப்படி மரபியலை அன்றாட வாழ்வில் பயன்படுத்துகிறோம் என்பதை உங்களுக்கு விளக்கிக் கூறியிருக்கும் என்றும் நம்புகிறோம்.






Share this page: